Tez-tez verilən suallar

Dr. Günay Hacızadə Sağlam Ailə Tibb Mərkəzinin Nərimanov filialında qəbul edir. Ünvan: Bakı şəhəri, Əhməd Rəcəbli küçəsi 3,10, AZ1075 (Köhnə Şəki restoranının yaxınlığı).

Bazar ertəsindən cüməyə qədər 09:30–16:00, şənbə günü isə 09:00–13:00. İş vaxtı dəyişə bilər, ona görə gəlməzdən əvvəl telefonla dəqiqləşdirməyiniz tövsiyə olunur.

Qəbula yazılmaq üçün +994 55 644 85 08 nömrəsinə, Sağlam Ailə çağrı mərkəzinə — (012) 910 və ya WhatsApp-a — (055) 4000 910 müraciət edə bilərsiniz. Sağlam Ailə saytında həkimin səhifəsindən onlayn müraciət də göndərmək mümkündür.

“N. Nərimanov” metro stansiyasının Nərimanov parkı tərəfə olan çıxışından Sağlam Ailə Tibb Mərkəzinin Nərimanov filialına ödənişsiz xidməti avtobuslar işləyir.

Denver II testi 0–6 yaşlı uşaqlarda aparılır. Test sosial adaptasiya, incə motor funksiyası, dil inkişafı və kobud motor funksiyası üzrə uşağın yaşıdları ilə eyni tempdə inkişaf edib-etmədiyini göstərir.

2 yaşa qədər. Düzəldilmiş yaş hesablanarkən normal hamiləlik müddəti 40 həftə qəbul edilir və körpənin doğulduğu həftə ilə 40 həftə arasındakı fərq nəzərə alınır. 2 yaşdan sonra uşaq təqvim yaşına görə qiymətləndirilir.

6 aya qədər hər ay, 6–24 ay arasında hər 3 aydan bir, 2–4 yaşda hər 4–6 aydan bir, 4 yaşdan sonra isə ildə 2 dəfə çəki, boy və baş dairəsi qiymətləndirilməlidir.

Uşaq hər şeyə “yox” deyir, əsəbiləşir, yerə uzanır və sözə baxmırsa, bu, çox vaxt “2 yaş sindromu” adlanan normal və keçici inkişaf mərhələsidir. Bu dövrdə uşaq müstəqillik qazandıqca duyğularını idarə etməyi öyrənir. Düzgün yanaşma prosesi həm valideyn, həm də uşaq üçün asanlaşdırır.

Uşaq sərbəst geyinib-soyunmağı, qaşıqla tökmədən yeməyi, öz təmizliyini özü etməyi, adam şəklini tam çəkməyi, hərfləri və rəqəmləri yazmağı, qayçı ilə şəkil kəsməyi, düymə açıb-bağlamağı və zamok çəkməyi bacarmalıdır. Çətinlik varsa, uşağa öz işlərini özü görməsi üçün imkan yaradın.

ÜST ilk 6 ayda körpələrə su verilməməsini tövsiyə edir: ana südü və ya süni qida körpənin maye ehtiyacını tam qarşılayır. 6-cı aydan sonra, əlavə qidaya keçidlə birlikdə suyu az miqdarda və tədricən təklif etmək olar.

12 aylıqdan sonra. Gündə 400–500 ml kifayətdir, çünki çox süd içmək dəmir çatışmazlığına səbəb ola bilər. Bu yaşda uşağın əsas qidası bərk qidalar olmalıdır.

Çox su içmək çox tərləmə, isti mühitdə və günəşdə uzun qalma, yüksək fiziki aktivliklə bağlı ola bilər. Eyni zamanda bu, şəkərli və şəkərsiz diabetin, bəzi dərmanların təsirinin, böyrək və digər sistemlərin xəstəliklərinin ilkin əlaməti ola bilər. Belə halda həkimə müraciət edin.

Hərarət 3 gündən uzun davam edirsə, 3 aydan kiçik körpədə hərarət varsa, uşaq süstdürsə, huşunu itirirsə və ya qıcolma varsa, həkimə müraciət etmək lazımdır. Qızdırmanı salmaq üçün sirkə, spirt və ya buzlu sudan istifadə etmək zərərlidir.

Sağlam Ailə Tibb Mərkəzi topuq testi üçün körpənin həyatının ilk 3–5 günü ərzində müraciət etməyi tövsiyə edir. Test gələcəkdə yarana biləcək metabolik, hormonal və genetik xəstəlikləri vaxtında aşkarlamağa və müalicəyə erkən başlamağa imkan verir.

Xeyr. Kir çöpə yapışmır, əksinə, daha dərinə itələnir. Bu, tıxaca, eşitmə zəifliyinə və iltihaba səbəb ola bilər. Belə hallarda kir bəzən qulaq pərdəsinə yapışmış halda tapılır və onu çıxarmaq üçün bir neçə gün kiri əridən dərman, sonra isə aspirator tələb olunur.

5–6 yaşa qədər yastı pəncəlik çox vaxt normal sayılır. Uşaq tez yorulursa, ayaq və diz ağrılarından şikayət edirsə, tez-tez yıxılırsa və ya ayaqqabısının iç tərəfi tez yeyilirsə, mütəxəssisə müraciət edin. Vaxtında düzgün yanaşma gələcəkdə bel, diz problemlərinin və duruş pozğunluqlarının qarşısını ala bilər.

Bez dəyişəndə dərini su və yumşaq parça ilə təmizləyib qurudun, kimyəvi tərkibli təmizləyicilərdən çəkinin. Bezi tez-tez dəyişin, dərinin hava almasına imkan verin, bez dermatiti üçün nəzərdə tutulmuş krem və ya məlhəm və hipoallergen məhsullar seçin. Dermatit uzun sürərsə və ya pisləşərsə, pediatra müraciət edin.

Qəbizlik həftədə 2 dəfədən az, ağrılı və böyük həcmli nəcis ifrazıdır. Ən çox yayılan səbəb qidalanma tərzidir. Nəcisi saxlamaq və bəzən qalxanabənzər vəzin zəif fəaliyyəti də səbəb ola bilər. Qəbizlik daha çox əlavə qidaya keçid dövründə və məktəbəqədər yaşda, hazır paket qidalar, şəkərli içkilər və şokolad çox qəbul edildikdə görülür.

Çox vaxt barmaqlarda soyulma keçirilmiş infeksiyadan sonra olur. Digər səbəblər allergik ekzema, B12 vitamini, sink və bəzi mineralların çatışmazlığı ola bilər. Soyulma təkrarlanırsa, dəridə qızartı artırsa və ya hərarətlə müşayiət olunursa, bu, ciddi xəstəliyin əlaməti ola bilər — gecikmədən həkimə müraciət edin.